Preguntanan frekuente

Kuantu dia promé ku e fecha di entrega mi mester hasi mi pedido di betòn?
Ta dependá di e kantidat ku abo ke pidi i e kantidat di pedido ku nos tin kaba pa atende. Ta bon pa bo hasi bo pedido mínimo dos dia promé ku e fecha di entrega. Si ta trata di un pedido grandi nos ta konsehá pa bo hasi bo pedido mínimo tres dia promé of mas ku e fecha di entrega. Pa entregá riba djasabra hasi bo pedido riba e djaluna promé ku e fecha di entrega.
Kiko ta e diferensia entre C20/25 i C16/20?
E sifranan aki ta indiká e duresa i proporshon di e semènt ku ta husa den e meskla di betòn. E ta depende di bo nesesidat. Por ehèmpel bo mester di C20/25 pa e fundeshi di e kas ku mester ta fuerte sufisiente pa e karga e murayanan i apoya tur e blòkinan riba dje. Semper ta mihó pa bo sigui e konseho di un arkitekto profesional tokante e tipo di meskla di betòn ku abo mester.
Kon largu e brasa hidrouliko (boom) di e trùk di pòmp ta?
Nos tin 2 trùk ku ta pòmp. Un ta di 36 meter i e otro ta di 38 meter.
Kuantu kada meskla di betòn ku su duresa respektivo ta kosta?
Por fabor wak e lista aktual di preis ku ta disponibel riba nos website.
Kiko ta basalt?
Basalt ta un piedra pretu ku nos ta husa pa nos meskla di betòn. Su balor L.A. ta mas haltu pero e tin mihó òf e mesun resultado ku e marmer blanku.
Ta debolbé'mi sèn si mi husa ménos betòn di loke mi a paga p'e?
Naturalmente nos ta debolbe kualke kantidat di mas ku bo a paga riba e kantidat di betòn ku bo a husa.
Si mi a hasi un pedido di betòn i paga pa e kantidat ei pero ta resulta ku mi mester di mas, mi por haña mas?
Si. Nos ta manda e kantidat adishonal di betòn ku su resibo i bo ta paga e shòfùr e suma indiká. Tambe ta posibel pa bo hasi pago di e suma habrí na nos ofisina i nos ta hasi e entrega na e momento mas kumbiniente.
Kiko ta betòn?
Betòn ta un material trahá na promé lugá di semènt, agregado (piedra i santu) i awa. Betòn tin mas ku 5000 aña.
Kiko ta betòn Ready Mix?
Ready Mix concrete ta un tipo di betòn den forma líkido ku e trùk ta meskla ora ku e ta na kaminda pa bai hasi entrega.
Kon mi ta midi kuantu betòn mi mester?
Ta midi betòn den meter kúbiko (1m x 1m x 1m).