Tokante Heavy Mix Concrete

A funda Heavy Mix Concrete B.V. na aña 2009. Nos ta produsi betòn, bloki i klenku. Tambe nos ta bende santu i piedra di limestone, Basalt santu i agregado i basalto. Nos ta produsí blòki di betòn pa konstrukshon i pavers ku un fabrika di blòki HESS 1500 kompletamente outomatisá ku ta ekipá ku teknología avansá.

Nos flota di 8 miksertrùks i 3 pòmptrùk ku ta pòmp betón ta permití nos ofrese tur nos klientenan apresiá un servisio lihé i kumpli ku e tareanan di mas pisá.

Nos ta ofresá solushon según e nesesidat di nos klientenan i ta entrega e produktonan ku ta kumpli ku e kliente su midí i spesifikashon deseá.

Nos tin un laboratorio ku ta kontrolá e kalidat di e produkto.

Nos ta yuda nos klientenan tur manera ku ta posibel.

Inovashon

Pa medio di solushonnan inovador i aserkamentu pa kumpli ku nos klientenan su nesesidatnan ku ta kambia, nos kompanía ta desaroya miho produkto i otro servisionan kontinuamente.

Nos a kaba di introdusi nos meskla nobo di betòn ku agregadonan di basalto. E ta robusto i disponibel na preisnan kumbiniente.

Mishon i Vishon

Mishon

Heavy Mix Concrete su meta kontinuo ta pa entregá e mihó produktonan di betòn fabriká ku materia prima di kalidat haltu. Nos ta hasi tur posibel pa kumpli ku nos kliente su nesesidat i konstruí un relashon di durashon largu ku nos kliente.

Vishon

Heavy Mix Concrete ta traha duru pa ta e fabrika di betòn preferí di Kòrsou. Nos meta ta di entregá produktonan di kalidat haltu na preis kumbiniente.

Heavy Mix Concrete ta un kompanía lokal ku a krese ku su raísnan hundu den Kòrsou ku su kultura i su kondishonnan úniko. Ku su raísnan lokal nos kompanía ta fungi komo un paso firme pa tur progreso i posibilidatnan infinito pa futuro di nos kompanía i tambe tur nos klientenan.

E produkshon di produktonan di betòn di kalidat haltu ta eksigí konosementu di e kondishonnan kaminda ta bai husa e produktonan. Partikularmente aki na Kòrsou e klima agresivo di laman, e solo konstante, i otro faktornan di nos medio ambiente ta krea kondishonnan hopi eksigente pa e kalidat di e betòn. Nos ta kompronde tur e kondishonnan aki i pa e motibo ei nos ta produsi produktonan di betòn ku ta kumpli ku e nesesidatnan di Kòrsou. Ta e konosementu di e kondishonnan lokal ta permiti nos produsí e mihó resultado pa nos klientenan manera entre otro e siguridat di betòn inmobil di mas duru.

E poder prinsipal i e fuente di Heavy Mix Concrete su gran forsa ta e kompanía su operadornan satisfecho i kontentu. Nos operadornan tin e aktitut korekto, e konosementu tékniko i e eksperiensia nesesario. Kada miembro di nos kompanía ta hasi tur su posibel pa garantisá e satisfakshon di nos kliente. Kada un ta entrega trabou ekselente ku ta resulta den satisfakshon total di nos klientenan i ta hasi e adelanto general di nos kompania posibel.

Durabilidat

Durabilidat no ta un palabra okashonal pa nos sino e filosofía den nos kompanía su kultura i trabou. Nos ta tene naturalesa den konsiderashon den tur nos operashonnan. E kompanía Heavy Mix Concrete ta orguyoso di logra establesé harmonia ku e medio ambiente.

Nos ta husa materialnan resiklá i nos tin nos mes planta di resiklage. Nos ta praktiká e mihó resiklage pa tur sobrá di betòn.

Pa medio di nos estrategianan ku ta tene konsiderashon ku e medio ambiente nos ta suavisa e impakto di e prosesonan di produkshon i aktividatnan di konstrukshon riba nos medio ambiente. Nos ta mehorá i husa praktikanan operashonal komo kontesta riba retonan manera impakto di CO2 abou den e meskla di betòn.

E praktikanan akí i e esfuersonan pa konservá e naturalesa ta di hopi importansia pa islanan i paisnan vulnerabel manera Kòrsou ku ta importante den e debate i kòmbersashonnan tokante nan kuido i mantenshon.

Ora bo hasi uso di nos produktonan i servisionan bo konstruí i tambe kontribuí ku e mantenshon di eksistensia di e isla Kòrsou i bo ta krea un futuro sigur pa e generashon ku ta sigui.

Laga nos konstruí un fundeshi solido